Búgingi kúnnen bastap jastarǵa jyldyq 2,5% jeńildikpen mıkrokredıt berý úshin qabyldanatyn kepildi múlik túrleriniń tizbesi keńeıtildi, dep habarlaıdy Almaty-akshamy.kz.
Bul týraly QR Eńbek jáne halyqty áleýmettik qorǵaý mınıstrliginen málimdedi.
Sonymen, kepilmen qamtamasyz etý retinde qosymsha qabyldanady:
- ekinshi deńgeıdegi bankterdegi shottarda ornalastyrylǵan aqsha qarajaty;
- respýblıkalyq mańyzy bar qalalarda, oblystyq mańyzy bar qalalarda, aýdan ortalyqtarynda, oblystyq jáne aýdandyq baǵynystaǵy qalalarda, sondaı-aq aýyldarda jáne aýyldyq eldi mekenderde jyljymaıtyn múlik;
- jeke menshik quqyǵyndaǵy/bastapqy uzaq merzimdi óteýli jer paıdalaný (jalǵa alý) (egistik) quqyǵyndaǵy aýyl sharýashylyǵy maqsatyndaǵy jer ýchaskeleri;
- jaıylymdardy sýlandyrý jáne qorshaý ınfraqurylymy bar jer ýchaskeleri;
- baý-baqsha ósirýge arnalǵan jer ýchaskeleri;
- mamandandyrylǵan tehnıka.
Mıkrokredıtter berý tártibi, mıkrokredıtti qamtamasyz etýdiń negizgi sharttary men tásilderi tapsyrma shartynda belgilenedi.
Mıkrokredıttiń mólsheri 5 mln teńgege deıin, al qatysýdyń eń uzaq merzimi – 5 jylǵa deıin (kez kelgen maqsatqa) nemese 7 jylǵa deıin (mal sharýashylyǵy salasyndaǵy jobalar úshin). Nomınaldy syıaqy mólsherlemesi – jyldyq 2,5%-dan aspaıdy.
Mıkrokredıt 21 jastan 35 jasqa deıingi jastarǵa óz kásibin ashýǵa nemese ony keńeıtýge, 5 jyldan aspaıtyn merzimmen jeke kásipker retinde tirkelgen jaǵdaıda beriledi.
Sondaı-aq, mıkrokredıt alýshylar úshin negizgi borysh pen syıaqyny óteý boıynsha jeńildikti kezeń beriledi, ol mıkrokredıt merzimi uzaqtyǵynyń úshten birinen aspaıdy.
Kepilmen qamtamasyz etýdiń bolýy mindetti shart bolyp tabylady.
Jastarǵa mıkrokredıt berý boıynsha tolyǵyraq aqparatpen jáne jıi qoıylatyn suraqtarmen https://www.agrocredit.kz saıtynda tanysýǵa bolady.
«Agrarlyq nesıe korporasıasy» AQ fılıaldarynyń mekenjaılary https://www.agrocredit.kz/ru/main/contacts/affiliates saıtynda kórsetilgen.