6-synypqa arnalǵan «Jaratylystaný» oqýlyǵy 2018 jyly «Atamura» baspasynan jaryq kórgen jáne ol oqýshylardy tabıǵattyń kúrdeli de qyzyqty álemimen tanystyrýǵa baǵyttalǵan. Bul oqýlyq túrli tabıǵat nysandaryn: ǵarysh júıesinen bastap mıkrodúnıege deıin, Jer men bizdiń planetamyzdan tys jatqan nysandardy, tiri tabıǵat pen dúnıeniń jalpy qasıetteri men qurylymyn zertteýdi qamtıdy.
Jaratylystaný ǵylymdary óziniń ǵylymı dáldigimen, júıeliligimen jáne tabıǵat qorlaryn paıdalaný arqyly praktıkalyq mańyzdylyǵymen erekshelenedi. Bul ǵylymnyń quramyna fızıka, hımıa, bıologıa, geografıa, astronomıa sıaqty jeke salalar kiredi, olar tabıǵatty zertteýdiń ártúrli qyrlaryn asha otyryp, oqýshylardyń ǵylymǵa degen qyzyǵýshylyǵyn oıatady.
Oqýlyq jeti bólimnen turady.
- Kirispe bólimi oqýshylardy zertteýge arnalǵan qural-jabdyqtarmen, zertteý ádisterimen jáne qaýipsizdik erejelerimen tanystyrady.
- Qalǵan alty bólimde kelesi pánderdiń negizderi beriledi: geografıa, bıologıa, fızıka, hımıa, ekologıa, astronomıa. Bul bólimder oqýshylardyń joǵary synyptarda osy pánderdi tereń meńgerýine kómektesedi.
Oqýlyqtyń mazmuny paragraftarǵa bólingen, ár paragraf qyzyqty aqparattarǵa toly jáne materıaldy ıgerýdi jeńildetetin ádemi sýrettermen, syzbalarmen tolyqtyrylǵan. Oqýshylar oqý barysynda tabıǵattaǵy ózgerister men olardyń arasyndaǵy baılanystardy túsinip, jaratylystanýdyń negizgi zańdylyqtaryn úırenedi.
«Jaratylystaný» oqýlyǵy tek teorıalyq materıalmen shektelmeı, oqýshylardyń zertteý, oılaý jáne kommýnıkatıvtik daǵdylaryn damytýǵa baǵyttalǵan.
- Ár taraý tujyrymdar men nusqaýlardan, suraqtar men tapsyrmalardan turady.
- Inovasıalyq jańalyqtar, qyzyqty tájirıbeler men saramandyq jumystar usynylǵan.
- Paragraftyń sońynda berilgen qosymsha tapsyrmalar men suraqtar oqýshylardyń alǵan bilimin tereńdetýge kómektesedi.
Logıkalyq tapsyrmalar men jattyǵýlar oqýshylardyń pánge degen qyzyǵýshylyǵyn arttyryp, materıaldy ıgerýge motıvasıa beredi. Oqýlyq tek teorıany oqyp qana qoımaı, ony tájirıbede qoldanýǵa baǵyttalǵan.
6-synypqa arnalǵan «Jaratylystaný» oqýlyǵy oqýshylarǵa ǵylym álemine alǵashqy qadam jasaýǵa múmkindik beredi. Oqýlyqtyń mazmuny men qurylymy balalardyń tabıǵatty túsinýine, zertteý daǵdylaryn qalyptastyrýyna jáne bolashaqta ǵylymdy tereń meńgerýine negiz bolady.