Federasıanyń maqsaty – Almatyny álemdik shahmat ortalyqtarynyń birine aınaldyrý.
Jansaıa Ábdimálik jańadan qurylǵan Almaty shahmat federasıasynyń prezıdenti boldy, dep habarlaıdy Almaty-akshamy.kz
Jańa uıym Almaty qalasynyń Shahmatshylar odaǵynan keri qaıtaryp alynǵannan keıin akredıtasıaǵa ıe boldy jáne megapolıste shahmat mádenıetin damytatyn bolady.
Federasıa men onyń prezıdentiniń maqsaty – Almatyny álemdik shahmat ortalyqtarynyń birine aınaldyrý jáne elimizdiń basqa shahmat federasıalary úshin úlgi kórsetý. Federasıanyń prezıdenti qazaqstandyq shahmatshy, halyqaralyq grosmeıster Jansaıa Ábdimálik boldy.
«Federasıanyń 2024 jylǵa deıingi josparynda – tórt negizgi baǵytty damytý: qala turǵyndary arasynda buqaralyq sport, mekteptegi bilim berýdegi shahmat, joǵary jetistikter sporty, sondaı-aq ardagerlerdi qoldaý», – dep atap ótti Jansaıa Ábdimálik.
Josparǵa sáıkes, Almaty mektepterinde shahmat sabaqtaryna arnalǵan kabınetter jabdyqtalady, muǵalimder men oqýshylarǵa arnalǵan arnaıy oqytý baǵdarlamalary, ádistemelik quraldar ázirlenedi, sondaı-aq Mektep lıgasyna qatysý úshin komandalar qurylady. Mundaı tájirıbe Ulybrıtanıada, AQSH-ta, Túrkıada burynnan qoldanylyp keledi.