Ulttyq qorda qazir shamamen 56 mıllıard dollar bar.
Ulttyq ekonomıka birinshi vıse-mınıstri Tımýr Jaqsylyqovtyń aıtýynsha, Ulttyq qordan kepildendirilgen transfert mólsherin 4 trıllıon teńgege deıin ulǵaıtý qarastyrylyp otyr, dep habarlaıdy Almaty-akshamy.kz
Parlament Májilisi "Ulttyq qordan 2022-2024 jyldarǵa arnalǵan kepildendirilgen transfert týraly zańǵa ózgeris engizý týraly" zań jobasyn maquldady.
«Qarajat Prezıdent tapsyrmalaryn iske asyrý úshin qosymsha qarjylandyrý aıasynda respýblıkalyq búdjettiń teńgerimdiligin qamtamasyz etýge baǵyttalady», - dedi Tımýr Jaqsylyqov.
Ol Ulttyq qordyń nysanaly kórsetkishteri fıskaldyq shekteýler sheginde saqtalatynyn atap ótti. Buǵan deıin Ulttyq ekonomıka mınıstri Álibek Qýantyrov Ulttyq qor taýsylyp qalmaıdy dep sendirgen edi.
Onyń aıtýynsha, Ulttyq qordan qarajat alý qalypty proses. Bul - kontrsıkldy búdjettik saıasattyń bir bóligi. Ulttyq qorda qazir shamamen 56 mıllıard dollar bar.