Kúmis júldeger elge oraldy.
Norvegıanyń Oslo qalasynda ótip jatqan álem chempıonatynda áıelder kúresinen kúmis júldeger atanǵan Jámıla Baqbergenova elge oraldy. Jankúıerler álemdik synnyń júldegerin qurmetpen kútip aldy dep habarlaıdy Almaty-akshamy.kz Olympic.kz-ke silteme jasap.
Jámıla 72 keli salmaqta beldesip, kúmis medal ıegeri atanǵan bolatyn.
«Jankúıerlerdiń qoldaýyn shyn sezindim. Maǵan demeý bergen jandarǵa kóp rahmet! Álem chempıonaty men úshin kúmispen aıaqtaldy. Árıne, altyn alsam degen maqsatym boldy. Biraq buıyrǵany kúmis eken.
Japondy Masako Fýrýıtımen osymen tórtinshi ret kezdesip, úsheýinde utyldym. Ony Ivan Iarygın týrnırinde bir ret jeńgen ekenmin. Endigi maqsat - olımpıadalyq salmaqqa aýysý. Sodan soń Azıa oıyndary men ózge de iri jarystarǵa daıyndalamyz», - dedi Jámıla.