Ótken aptanyń sońynda Memleket basshysy Almaty qalasyna jumys saparymen kelip, birqatar áleýmettik nysandardy aralap kórip, gıdrotehnıkalyq ınfraqurylymmen tanysty. Sonan keıin Almaty qalasynyń áleýmettik-ekonomıkalyq damý máseleleri jóninde keńes ótkizdi.
Memleket basshysy keńes barysynda Turǵyn úı-kommýnaldyq sharýashylyq jáne abattandyrý, densaýlyq saqtaý jáne áleýmettik kómek, ekonomıka jáne kásipkerlik – ár salada almatylyqtardyń jaıly turýy úshin, bıznesti damytý jáne qorshaǵan ortany jaqsartý úshin is-sharalar júzege asyrylýda, dep habarlaıdy Almaty-akshamy.kz.
Qurylys kestesi ilgerilep keledi
Halyqaralyq Almaty áýejaıynyń jańa termınalyn aldyn ala iske qosýdy 2024 jyldyń jazynda aıaqtaý josparlanýda.
Jańa ǵımarattyń qurylysy halyqaralyq termınaldyń tike joldaryna bort kólemine baılanysty bir ýaqytta jeti ushaqqa deıin jetkizýge múmkindik beredi. Áýejaıdyń jalpy ótkizý qabileti jylyna 14 mln. jolaýshyǵa deıin artady.
Jolaýshylarǵa jaǵdaı jasalady
Búgingi tańda áýejaıǵa kelýshiler jol tyǵynynda turyp, yńǵaısyzdyq jasalýda. Máseleni sheshý úshin áýejaı basshylyǵy 250 oryndyq qosymsha avtoturaq ornatý týraly sheshim qabyldady. Qosymsha avtoturaqty paıdalanýǵa berýdiń birinshi kezeńi - bıylǵy qyrkúıekte 150 oryndy avtoturaq berý josparlanǵan. Ekinshi kezeń – osy jyldyń qarasha aıy 100 oryndyq avtoturaq beriletin bolady.
Internet alaıaqtary da qolǵa tústi
Almatyda aqparattyq tehnologıalar, sonyń ishinde ınternet-alaıaqtyq salasyndaǵy qylmystardy ashýǵa jáne aldyn alý tıimdiligin arttyrýǵa baǵyttalǵan “Hi-Tech” is-sharasy aıaqtaldy.
Atalǵan is-shara barysynda “Kıberpol” bólimshesi 154 alaıaqtyq jasady degen kúdikpen 21 ınternet-alaıaqty ustady. Alynǵan málimetterge sáıkes, qaskóı úshinshi adamdarǵa taýarlyq nesıelerdi rásimdeýmen aınalysqan. Keltirilgen shyǵyn kólemi 6 mıllıon teńgeden asady. Ol qamaýǵa alyndy.
Sala maman serpin bar
Almatyǵa jyldyń alǵashqy toqsanynda 450 myń saıahattaýshy kelgen. Bul byltyrǵy jylmen salystyrǵanda eki esege deıin óskenin kórsetedi. Mamandar muny shahardyń tumsa tabıǵatymen, geografıalyq ornalasýymen jáne taýlarǵa jaqyndyǵymen baılanystyrady. Demalýshylarǵa qolaıly jaǵdaı jasalǵanynyń arqasynda jergilikti búdjetke túsetin salyqtyq túsimder de edáýir artqan. Bıyl onyń kólemi birden 45 paıyzǵa kóbeıipti. Jalpy aıtqanda aǵylshyn tilin meńgerip, kelgen týrısterge jaǵdaı jasalýda.
Avtokólik ınfraqurylymy
Almaty aglomerasıasyn qalyptastyrý ınfraqurylymdy damytýmen ushtasady. Qala mańyndaǵy aımaqtardyń turǵyndary úshin kóliktik qoljetimdiligin jaqsartý 2023 jyldyń qyrkúıeginde 25 eldi mekendi jáne oblystyń 60 myń turǵynyn qamtıtyn 10 jańa marshrýt uıymdastyrylatyn bolady.
Bala - bolashaǵymyz
Jaz basynda Almatyda Naýryzbaı aýdanyndaǵy Inovasıalyq shyǵarmashylyq ortalyǵy ashyldy. Oqý jyly bastalǵanǵa deıin osyǵan uqsas aptasyna 5000 balany qamtıtyn ortalyqtyń ashylýy Alataý aýdanynda da josparlanǵan. Sonymen qatar, qadamdyq qoljetimdilikti qamtamasyz etý sheńberinde 30-shy jyldary Túrksib jáne Bostandyq aýdandarynda salynǵan eki oqýshylar úıin buzý jáne olardyń ornyna kúnine 800 kelýshige deıin qýaty bar zamanaýı damý jáne shyǵarmashylyq ortalyqtaryn salý josparlanýda. Búgingi tańda jobalar daıyn, qurylys-montaj jumystary 2024 jyly bastalady.
Densaýlyq salasynda da serpin baıqalady
Medısınalyq saqtandyrý qory Almaty qalasynyń densaýlyq saqtaý salasyna qosymsha 7 mlrd teńge bóldi. «Bólingen aqsha konsýltatıvtik-dıagnostıkalyq qyzmetke – 2,8 mlrd teńge, stasıonarlyq medısınalyq kómekke – 4,1 mlrd teńge, joǵary tehnologıalyq medısınalyq kómekke – 164,5 mln teńge sıaqty suranysqa ıe salalarǵa baǵyttaldy», – dedi medısınalyq saqtandyrý qory Almaty fılıalynyń dırektory Tileýhan Ábildaev.
Jastarǵa qoldaý bar
Almatynyń Jas Qanat shaǵyn aýdanynda 2023 jyldyń sońyna deıin 22 myń sharshy metr turǵyn úı paıdalanýǵa beriledi
Túrksib aýdanynyń Jas Qanat shaǵyn aýdanynda 163 098 sh.m. 41 úıdiń (3 116 páter) qurylys-montajdaý jumystary jalǵasyp jatyr. 31 úı nemese aýdany 122 859 sh. m. 2 344 páter paıdalanýǵa berildi. 2023 jyldyń sońyna deıin taǵy 5 úı nemese 473 páter (22 myń sh.m.) paıdalanýǵa berý josparlanǵan.