Belgili skrıpkashy Ulttyq kitaphana ǵımaratynda ornalasqan № 254 saılaý ýchaskesine kelip, óz daýysyn berdi.
Búgin munda merekedegideı, referendýmǵa daýys berýge kelgenderdi esik aldynda áýenmen qarsy alýda. Daýys berý ýchaskesi qyzyldy-jasyldy sharlarmen bezendirilgen. Múmkindigi shekteýli jandarǵa qolaıly bolý úshin bul toptaǵy adamdar úshin arnaıy kabınkalar jabdyqtalǵan. Onyń ishinde kompúter, kózi kórmeıtin turǵyndar úshin lýpa, qulaqqap, bederli blankalar qoıylǵan.
«Memleket basshysy Konstıtýsıaǵa engiziletin birqatar túzetýler týraly atap ótken bolatyn, onyń ishinde qoǵamnyń barlyq salasy qamtylǵan. Sondyqtan men aldaǵy ýaqytta jaqsy ózgerister bolatynyna senemin. Búgin meniń kóńil kúıim óte keremet, sebebi búgingi kúnniń mańyzdylyǵyn jaqsy túsinemin, meniń de daýysym mańyzdy ekenin bilemin. Sondyqtan óz tańdaýymdy jasadym», – deıdi Jamılá Serkebaeva.