Qazaqstannyń Tótenshe jaǵdaılar mınıstri Iýrıı Ilın Jambyl oblysynda áskerı qoımadaǵy jarylystan qaza tapqan órt sóndirýshilerdiń otbasyna qarjylaı kómek beriletinin aıtty, dep habarlaıdy almaty-akshamy.kz
Iýrıı Ilın tólem ár qaza tapqan azamattyń zańdy murageri anyqtalǵannan keıin tólenetinin aıtty.
«Úkimetten ár otbasyǵa 10 mıllıon teńgeden aýdarý týraly sheshim qabyldandy. Bes mıllıon teńge – jergilikti búdjet esebinen. Biz qyzmetkerlerdiń bir kúndik jalaqysyn jınap, aýdardyq. Tótenshe jaǵdaılar mınıstrligi esebinen erikti túrde 5 mıllıon teńgeden beriledi. Emge muqtaj azamattarǵa kómek kórsetiledi. Memleket tarapynan mindetti saqtandyrýy bar – qaza tapqandardyń otbasyna 60 aılyq qarjylaı qarajat beriledi», – dedi Iýrıı Ilın.