Dodaǵa 55 elden sportshylar qatysýda
Túrkıanyń Koná qalasynda ótip jatqan Islam yntymaqtastyǵy oıyndarynda el quramasy qorjynyna taǵy úsh altyn medal tústi, dep habarlaıdy Almaty-akshamy.kz QazAqparat-qa silteme jasap.
Búgingi oıyndarda qazaqstandyqtar sporttyń birneshe túrinen óner kórsetti.
Kıkboksıńte 63,5 kelide synǵa túsken Batyrhan Qýandyqov jeńis tuǵyryna kóterildi. Ol fınalda ózbekstandyq qarsylasyn qapy qaldyryp ketti.
Sondaı-aq atalǵan jarys túrinen Álıhan Ozdoev (67 keli), Marat Ósipov (71 keli) altynnan alqa taqty.
Al sporttyq gımnastıkadan qyzdar komandalyq esepte úshinshi orynǵa taban tiredi.
Islam yntymaqtastyǵy oıyndary 2005 jyldan beri turaqty ótkizilip keledi. Bıyl besinshi márte jalaýyn jelbiretti.
Bıylǵy dodaǵa 55 elden sportshylar keldi. Oıyndar 8 tamyzda bastalǵan, 18 tamyzda aıaqtalady.