Qazaqstan BUU-nyń eń sıfrlandyrylǵan 30 memleketiniń qataryna kiredi.
Qazaqstanda ınternet paıdalanýshylarmen birge ınternettiń jyldamdyǵy da artyp keledi, dep habarlaıdy Almaty-akshamy.kz energyprom.kz silteme jasap.
"2021 jyly 6-74 jas aralyǵyndaǵy jalpy halyq sanynda aqparattyq-kommýnıkasıalyq tehnologıalardy paıdalanýshylar úlesi 92,9%-ǵa jetti. 2020 jyly bul kórsetkish 88,2% bolsa, 2016 jyly 78,8%-dy quraǵan bolatyn", -dep jazady Energyprom.kz.
Mamandardyń málimeti boıynsha, qazaqstandyqtardyń ómirin jeńildetetin kez kelgen sıfrlyq sheshimder eldi sapaly ınternet baılanysymen qamtý deńgeıin arttyrýmen birge ózekti bolyp otyr. Speedtest.net derekteri boıynsha Qazaqstanda tuńǵysh ret mobıldi ınternettiń ortasha jyldamdyǵy jeliden júktep alýda 38,3 Mbıt/s jáne ınternetke júktep salýda 13,2 Mbıt/s jetti.
Óz kezeginde, mobıldi operatorlardyń wi-fi arqyly taratylatyn ınternetinen júktep alý jyldamdyǵy 72,6 Mbıt/s jáne jelige aqparatty júktep salý jyldamdyǵy 69,8 Mbıt/s bolyp, rekordtyq kórsetkishke jetti.
Mundaı jaǵdaılarda sıfrlyq servısterdiń kóbeıýi jáne kez kelgen qyzmetterdi onlaın alý múmkindikterin keńeıtý — banktik ónimder, jyljymaıtyn múlik satyp alý, Memlekettik qyzmetter qoǵamnyń úılesimdi damýy úshin ózekti bola bereri sózsiz.