Mamandar arheologıalyq eskertkishterdi zertteý men saqtaýmen eki túrli mınıstrlik aınalysatynyn synǵa aldy.
Ashyq NQA portalynda jarıalanǵan «Túrkistan qalasynyń erekshe mártebesi týraly» QR zańy jobasynyń konsýltatıvtik qujatynda Iassaýı kesenesin saqtaý qaýpi joıylmaǵan jaǵdaıda, onyń IýNESKO-nyń búkilálemdik mura tizimindegi mártebesin joǵaltýy múmkin ekeni jazylǵan.
Buǵan alǵysharttar bar. Mysaly, jobada arheologıalyq eskertkishterge qatysty jumystarmen eki túrli mınıstrliktiń aınalysýy tıimdilik bermeıtini jazylǵan. Atap aıtqanda, tarıhı-mádenı mańyzy bar obektilerdi qorǵaý jáne paıdalaný salasyndaǵy ýákiletti organ Mádenıet jáne sport mınıstrligi bolsa, arheologıalyq eskertkishterdi zertteý jónindegi baǵdarlamalardy qarjylandyrýmen Ǵylym jáne joǵary bilim mınıstrliginiń Ǵylym komıteti aınalysady.
«Nátıjesinde eki túrli mınıstrlik tarıhı nysandardy saqtaýmen, zertteýmen jáne tanymal etýmen aınalysady, bul osy baǵyttaǵy jumystyń tıimdiligin arttyrýǵa yqpal etpeıdi», – dep jazylǵan jobada.
Eske salaıyq, prezıdent Qasym-Jomart Toqaev 2022 jylǵy 27 qyrkúıekte Túrkistan oblysyna jumys sapary barysynda Qoja Ahmet Iassaýı kesenesiniń jaı-kúıiniń saqtalýyna qatysty Úkimetke tapsyrma bergen bolatyn.
Qazirgi ýaqytta Keseneniń ylǵaldaný jaǵdaıy boıynsha zertteý, zerdeleý jumystary qolǵa alynǵan. 2022 jyly keseneniń ár bóliginde onyń temperatýralyq-ylǵaldyq rejımin, qabyrǵalaryndaǵy jaryqshaqtardy qadaǵalaıtyn monıtorıńtik júıe ornatyldy.
«2022-2024 jyldarǵa arnalǵan keshendi jospar sheńberinde keseneniń jaǵdaıyn ártúrli beıimdegi ǵylymı-zertteý ınstıtýttary 2023 jyly zerdeleý jumystaryn júrgizedi. Ǵylymı zertteý 2 jumystaryna Qazaq qurylys jáne sáýlet ǵylymı-zertteý jáne jobalaý ınstıtýty, Ý. Ahmedsafın atyndaǵy Gıdrogeologıa jáne geoekologıa ınstıtýty, Botanıka jáne fıtoıntrodýksıa ınstıtýty, «Qazqaıtajańartý» mekemesi, Iasaýı atyndaǵy qazaq-túrik ýnıversıteti, «Áziret Sultan» memlekettik respýblıkalyq tarıhı-mádenı mýzeı-qoryǵy qatysady. 2023 jylǵa arnalǵan respýblıkalyq búdjetten Kesenede tolyq ǵylymı-zerdeleý jumystaryn júrgizýge 317 mln teńge qarjy bólindi», – dep jaýap bergen bolatyn Úkimet basshysynyń orynbasary Altaı Kólginov Májilis depýtattarynyń saýalyna jaýabynda.