300 mln-nan 1,1 mlrd teńgege deıin ulǵaıtyldy.
Jetisý aýdanynan túsetin shaǵymdardyń jartysyna jýyǵy aýlalardy abattandyrý nemese jóndeý jumystaryna qatysty.Bul týraly Almaty ákimi Erbolat Dosaev halyqpen ótkizgen kezdesý barasynda aıtty, dep habarlaıdy Almaty-akshamy.kz.
Ákimniń aıtýynsha, qoǵamdyq keńistikterdiń jetispeýshiligi problemasyn sheshý úshin «Halyqtyń búdjetke qatysýy» jobasyn qarjylandyrý 300 mln-nan 1,1 mlrd teńgege deıin ulǵaıtyldy.
«Turǵyndardyń usynystary boıynsha 23 joba irikteldi, onyń ishinde 3 iri joba Chernovıskaıa kóshesindegi Esentaı ózeniniń jaǵalaýy; Kopernık kóshesindegi Kishi Almaty; Omarov kóshesinen Qazybaev kóshesine deıingi Qarasý. Sondaı-aq, skverler, jaıaý júrginshiler aımaqtary jóndeledi, balalar, sport alańdary men fýtbol alańdary ornatylady», - dedi qala ákimi.
Joba aıasynda Gúlder saıabaǵy men Aınabulaq -1 jáne Aınabulaq-3 shaǵyn aýdandaryndaǵy sýarý jáne jaryqtandyrý júıeleri qalpyna keltiriledi. Aınabulaq-1 jáne Aınabulaq-3. Kókmaısa shaǵyn aýdanynda Esentaı ózeni jaǵalaýynyń boıyna saıabaq salynýda. Itterdi serýendetýge arnalǵan alań bolady.
Bıyl Rysqulov/Súıinbaı dańǵylyndaǵy kópir astyndaǵy sport saıabaǵynyń, Aınabulavq -1 shaǵyn aýdany Esentaı ózeniniń boıyndaǵy Jastar saıabaǵynyń, Kókjıenk shaǵyn aýdanyndaǵy, M. Jumabaev kóshesindegi jaıaý júrginshiler aımaǵynyń qurylystary bastalady.