Qalalyqtar óz azamattyq boryshyn qaltqysyz atqarýda
Almatydaǵy daýys berýdiń qalaı ótip jatqany jaıly Qyrǵyzstan Respýblıkasynan kelgen halyqaralyq baqylaýshy Uzarbek Jylqybaev áńgimelep berdi.
«Saılaýǵa daıyndyq barysymen keshe tanystyq. Búgin tańerteńnen beri 10 saılaý ýchaskesin araladyq. Olardyń arasynda Kóktóbe, Tastaq, basqa da aýdandardaǵy ýchaskeler bar. Biz jumysymyzdy tústen keıin de jalǵastyrýdamyz. Qyrǵyzstannan barlyǵy 8 baqylaýshy keldi, olardyń tórteýi – Nur-Sultanda, ekeýi – Shymkentte, ekeýi – Alatyda jumys isteýde. Baqylaý barysynda baıqaǵanymyz, referendýmnyń uıymdastyrylýy ulttyq jáne halyqaralyq talaptarǵa saı keledi», – dedi Uzarbek Jylqybaev.
Sondaı-aq spıker qazaqstandyqtardyń saılaýda belsendilik tanytyp jatqanyna da toqtaldy.
«Qazaqstan azamattary ózderiniń jáne balalarynyń bolashaǵy úshin jaýapkershilikti sezinetini anyq. Jumys barysynda búlletenderdiń sapasyna, mazmunyna da nazar aýdardyq. Bári oıdaǵydaı. Saılaýshylar úshin eshqandaı qıyndyqtar týmaıtynyna senimdimin», – deıdi halyqaralyq baqylaýshy.