18 jasqa tolmaǵan balalardyń bárine jeke jınaqtaýshy esepshot ashylatyn bolady
Ulttyq qor tabysyn balalarǵa aýdarýdyń tetikteri qarastyrylyp jatyr. Qarajat jylyna bir ret 2024 jyldyń basynda bárine teńdeı aýdaryla bastaıdy. Bul týraly Ulttyq ekonomıka mınıstri málimdedi, dep habarlaıdy Almaty-akshamy.kz Almaty.tv-ge silteme jasap.
Álibek Qýantyrov Prezıdent tapsyrmasyna sáıkes qazir esepteýler qosymsha pysyqtalyp jatqandyǵyn aıtty. 18 jasqa tolmaǵan balalardyń bárine jeke jınaqtaýshy esepshot ashylatyn bolady.
«Qazir mehanızm qarastyrylyp jatyr. Qarajatty qalaı aýdarý qajet, barlyq tetikti pysyqtap jatyrmyz. Prezıdenttiń «Ulttyq qor – balalarǵa» bastamasyn júzege asyrý maqsatynda Úkimet Ulttyq bankpen birlesip, baǵdarlamany iske qosý jumystaryn bastap ketti. 2024 jyldan bastap jyl saıyn balalardyń esepshotyna Ulttyq qordyń ınvestısıalyq tabysynyń jartysy aýdaryla bastaıdy», – dedi QR Ulttyq ekonomıka mınıstri Álibek Qýantyrov.