WhatsApp derekqoryn satýshysy basylym zertteýshilerine úlgi tizim derekterimen bólisken.
Tanymal hakerlik forýmda WhatsApp qoldanýshylarynyń 500 mıllıonǵa jýyq telefon nómirlerinen turatyn baza satylymǵa qoıylǵan, olardyń arasynda keıbir qazaqstandyqtardyń da nómiri júr, dep habarlaıdy Almaty-akhamy.kz.
Cybernews basylymynyń málimetinshe, hakerdiń tyrnaǵyna 84 memlekettiń turǵyndary ilingen, olardyń 3,2 mıllıonǵa jýyǵy - Qazaqstan qoldanýshylary kórinedi. Atalǵan messendjerdiń 2 mıllıardtan astam qoldanýshysy bar desek, urlanǵany onyń tórtten bir bóligin quraıdy.
Suranysqa sáıkes, WhatsApp derekqoryn satýshysy basylym zertteýshilerine úlgi tizim derekterimen bólisken. Jalpy úlgide 1097 brıtandyq jáne 817 amerıkalyq qoldanýshylardyń nómirleri kórsetilgen.
Cybernews úlgige engizilgen barlyq nómirlerdi zerttep, olardyń barlyǵy messendjer qoldanýshylary ekenin rastady.