Tamyz aıynyń basynan beri Haınan kýrort provınsıasynda (Ońtústik Qytaı) koronavırýs ınfeksıasynyń 16 myńnan astam jaǵdaıy anyqtaldy, dep habarlaıdy Almaty-akshamy.kz Inform.kz-ke silteme jasap.
Agenttik málimetinshe, 1-19 tamyz aralyǵynda Haınan provınsıasynda COVID-19 vırýsyn juqtyrýdyń 6,7 myńnan astam jaǵdaıy jáne aýrý belgisi joq 9,5 myńnan astam tasymaldaýshy tirkelgen.
Jergilikti bılik málimdemesine sáıkes, koronavırýs juqtyrý jańa jaǵdaılarynyń sany sońǵy eki kúnde azaıyp keledi.
Sonymen qatar 9-19 tamyz aralyǵynda buryn kýrorttyq araldan shyǵa almaı qalǵan 124 myńnan astam týrıs ushyp kete aldy.
Bul rette 11 myńnan astam týrıs araldan teńiz arqyly ketken.
Buryn habarlanǵandaı, tamyz aıynyń basynda Haınan provınsıasynda koronavırýstyń jańa oshaqtary tirkeldi.
Bir ǵana Saná kýrort qalasynda COVID-19 indetine baılanysty 80 myńnan astam týrıs qaıta kete almaı qaldy.