Grekıada Olımpıada alaýy jaǵyldy. Atalǵan shara kórermensiz ótti. Oǵan tek resmı tulǵalar – el Prezıdenti Katerına Sakellaropýlý, Halyqaralyq Olımpıada komıtetiniń prezıdenti Tomas Bah, Grekıa Olımpıada komıtetiniń basshysy Spıros Kapralos jáne taǵy basqalary qatysty, dep habarlaıdy almaty-akshamy.kz QazAqparatqa silteme jasap.
Alaýdy jaǵý rásimi YouTube arnasynan kórsetildi. Olımpıada alaýynyń shyraǵyn birinshi bolyp taý shańǵyshysy Ioannıs Antonıý kóteredi.
Alaý Ejelgi Olımpıa stadıonynan qazirgi zamanǵy Olımpıada oıyndarynyń negizin qalaýshy, fransýz barony Per de Kýberten eskertkishine deıin aparylady. Budan keıin túnge qaraı ony Afınanyń Akropoline aparyp, 19 qazanda Qytaı delegasıasyna tabystaıdy.
Grekıada alaý estafetasy COVID-19 vırýsyna baılanysty shekteýge baılanysty ótkizilmedi. Aıta keterligi, Qysqy Olımpıada oıyndary Beıjińde 2022 jylǵy 4-20 aqpan kúnderi aralyǵynda ótedi.