Kanelo aldynda eki naqty nusqa tur
Promoýter Eddı Hırn (Matchroom Boxing) ekinshi orta salmaqtaǵy absolút álem chempıony meksıkalyq Saýl "Kanelo" Alvarestiń (57-2-2, 39 KO) aldaǵy josparlary týraly aıtty, - dep habarlaıdy Almaty-akshamy.kz Vesti.kz saıtyna silteme jasap.
Onyń sózinshe, "Kanelonyń" eki tańdaýy bar - qazaqstandyq Gennadıı Golovkınmen (42-1-1, 37 KO) úshinshi jekpe-jek nemese ózi mamyrdyń basynda sensasıalyq túrde jeńilip qalǵan reseılik Dmıtrıı Bıvolmen (20-0, 11 KO) revansh.
"Kanelo aldynda eki naqty nusqa tur. Birinshisi - ekinshi orta salmaqtaǵy "absolút" ataǵy úshin Golovkınmen trılogıa, sodan keıin Dmıtrıı Bıvolmen revansh. Sebebi "Kanelo" ne bolsa da Bıvolmen remach ótkizedi. Nemese revansh birinshi bolady.
Bıvolmen jekpe-jek aldynda barlyǵy Golovkınmen úshinshi kezdesý "Kanelo" úshin jeńil bolady dep oılaǵan. "Kanelo" Dmıtrııdi jeńgende, onda trılogıada sózsiz jeńiske úmitker bolar edi. Biraq qazir "Kaneloǵa" qatysty suraqtar týyndaǵany ras. GGG ony úshinshi jekpe-jekte jeńe ala ma? Qazir ol birshama básekege qabiletti.
Biz "Kanelo" men Eddı Reınosomen birge ári qaraıǵy áreketterdi talqylaǵymyz keledi. Jeke ózim kez kelgen nusqaǵa rıza bolamyn. Golovkınmen jekpe-jek, múmkin, áli de bokstaǵy eń úlken oqıǵa sanalady. Al Bıvolmen revansh - "Kanelo" úshin qaýipti jáne qıyn jekpe-jek. Oǵan sportshy karerasynda alǵash ret anderdog mártebesimen shyǵady", - dedi Hern DAZN Boxing Show-ǵa bergen suhbatynda.