Qys mezgilinde turmystyq gazdy paıdalaný qarqyn alǵan saıyn, gazdan ýlaný men jarylys oqıǵalary da jıilep ketedi. Ókinishke qaraı, jylytý maýsymy bastalǵannan beri elimizde turmystyq gazǵa baılanysty birneshe qaıǵyly jaǵdaı tirkelgen. Mamandardyń aıtýynsha, bul kóbinese qaýipsizdik erejelerin saqtamaýdyń saldarynan bolady.
«QazaqGaz Aimaq» AQ málimetinshe, 2024-2025 jylǵy jylytý maýsymy bastalǵaly beri 76 jazataıym oqıǵa tirkelgen. Nátıjesinde 182 adam zardap shekken, onyń ishinde 72 adam qaıtys bolǵan.
Gaz – ony durys paıdalanǵan jaǵdaıda ǵana qaýipsiz. Kóptegen qaıǵyly oqıǵalar qarapaıym qaýipsizdik erejelerin saqtamaýdan oryn alady. Gazben ýlanýdyń negizgi sebebi – kómirqyshqyl gazynyń (SO) jınalýynan bolady. Iaǵnı aýa almasýy durys uıymdastyrylmaǵan kezde, tútin syrtqa shyqpaı, gaz úı ishinde jınalyp qalady. Munyń aldyn alý úshin qarapaıym, biraq mańyzdy qaýipsizdik sharalaryn ustaný qajet. Óıtkeni, gaz – qaýipsizdik erejelerin saqtaǵan jaǵdaıda ǵana yńǵaıly ári tıimdi energıa kózi sanalady.
Sala mamandarynyń aıtýlarynsha, oryn alǵan qaıǵyly jaǵdaılar, negizinen, gaz tutyný jabdyqtaryn paıdalaný kezinde qarapaıym qaýipsizdik erejelerin saqtamaǵandyqtan bolady. Oǵan sebep – zardap shekkenderdiń jylytý quraldaryn paıdalanýǵa nemquraıly qaraýy, olardy óz betinshe qosýy, qurastyrýy nemese ornyn aýystyrýy, qoldan jasalǵan gaz jabdyqtaryn paıdalanýy, tamaq daıyndaýǵa arnalǵan gaz jabdyǵymen úı-jaılardy jylytýy, tehnıkalyq qyzmet kórsetýdi oryndamaýy, murjanyń bitelmeýin, tútin tartýyn teksermeýi bolyp otyr.
Demek, murja men jeldetý arnalarynyń durys jumys isteýi – sizdiń qaýipsizdigińiz ben densaýlyǵyńyzdyń kepili. Óıtkeni, ýly gazben ýlanýdyń eń kóp oqıǵasy murjanyń tutastyǵy buzylǵandyqtan nemese tútinniń tartpaýynan týyndaıdy.
Esińizde bolsyn! Jumys istep turǵan gaz aspaptaryn qaýipsiz paıdalanýǵa jáne jeldetý arnalary