"Galereıa" dep atalatyn test mehanızmi genetıkalyq kod, ıaǵnı DNQ-da isikten qanǵa túsetin hımıalyq ózgeristerdiń belgilerin izdeıdi.
Ǵalymdar ádisteme boıynsha jumys ázirge aıaqtalmaǵanyn, biraq synaqtyń birinshi kezeńinen keıin aýyr dertten qutylǵan naýqastar sany artady dep aıtýǵa bolatynyn atap ótti.
Synaq ásirese bas jáne moıyn, ishek, ókpe, uıqy bezi jáne tamaqtaǵy qaterli isikti anyqtaýda tıimdi.
Ulybrıtanıanyń NHS densaýlyq saqtaý júıesi ádisti 2024-2025 jyldary taǵy bir mıllıon adamǵa synap kórýdi josparlap otyr.
"Qaterli isikti erte anyqtaý óte mańyzdy. Bul synaq bizge qaterli isik aýrýlaryn erterek anyqtaýǵa jáne myńdaǵan adamnyń ómirin saqtap qalýǵa kómektesedi", - deıdi NHS onkologıa departamentiniń basshysy, profesor Pıter Djonson.
Ádisti ázirlep, zerttegen - Dana-Farber onkologıa ınstıtýty men Garvard medısına mektebiniń amerıkalyq ǵalymdar toby jáne Frensıs Krık ınstıtýty, London ýnıversıtettik kolejiniń ǵalymdary.
Zertteý nátıjesi Oksford ýnıversıtetiniń Annals of Oncology akademıalyq jýrnalynda jarıalanǵan.
Jobany Kremnıı alqabyndaǵy startap Grail qarjylandyryp jatyr, onyń ınvestorlary arasynda Amazon negizin qalaýshy Djeff Bezos bar.