Bul bizge qaýipti dertke tosqaýyl qoıý úshin qajet.
Sheteldik ǵalymdar koronavırýsty eki ese jeńil ótkerýge múmkindik beretin dári oılap tapty, dep habarlaıdy Almaty-akshamy.kz QazAqparat-qa silteme jasap.
Dúnıejúzilik densaýlyq saqtaý uıymymen seriktes IýNITEID agenttigi «Molnýpıravır» preparatynyń koronavırýspen jeńil jáne ortasha deńgeıde aýyrǵandardyń aýrýhanaǵa jatý qaýpin 50 paıyzǵa tómendetýge kómektesetindigin rastady.
«Molnýpıravır» - vırýstyń aýyr asqynýyn boldyrmaıtyn tıimdi jáne qoldanýy ońaı dári. Bul bizge qaýipti dertke tosqaýyl qoıý úshin qajet», - dedi agenttiktiń bas dırektory Fılıpp Daneton.
Onyń aıtýynsha, preparat pandemıamen kúres strategıasyn túbegeıli ózgerte alady. Osy ádispen emdeý aýrýdyń aýyr jaǵdaılarynyń sanyn edáýir azaıtady jáne densaýlyq saqtaý júıesine júktemeni jeńildetedi.
«Halyqtyń tabysy tómen jáne ortasha elderde dáriniń múmkindiginshe kóp adamǵa qoljetimdi bolýyn qamtamasyz etý úshin tıisti sharalardy qabyldaýǵa daıynbyz», - dedi F.Daneton.