«Astana Arena» stadıonynda fýtboldan Qazaqstan áıelder quramasy Armenıany qabyldady, dep habarlaıdy almaty-akshamy.kz.
Bul Qazaqstan komandasynyń ÝEFA-nyń Ulttar lıgasyndaǵy sońǵy, altynshy machy edi.
Birinshi taımda 40-mınýtta Qazaqstan quramasynyń kapıtany Iýlıa Másnıkova esep ashty.
Ekinshi kezeńniń 48-mınýtynda Aıda Gaıstenova esepti 2:0-ge jetkizdi. Araǵa on mınýt salyp Iý.Másnıkova ekinshi golyn soqty. 68-mınýtta Armenıa oıynshysy Klaýdıa Cholakán aıyp dobyn oryndady. Dop Qazaqstan qaqpashysy Angelına Portnovanyń arqasyna tıip, qaqpaǵa kirip ketti. Al aradan úsh mınýt ótkende, ıaǵnı machtyń 71-mınýtta Kamıla Qulmaǵambetovanyń qaqpaǵa baǵyttaǵan doby nysanaǵa tıip esep – 4:1 boldy.
Alty týrdyń qorytyndysy boıynsha Madıar Kembilov jattyqtyratyn Qazaqstan S4 tobynda 8 upaımen úshinshi orynǵa ıe boldy. Izraıl (16 upaı) kósh bastasa, Estonıa (10 upaı) ekinshi satyǵa jaıǵasty. Al Armenıada birde-bir upaı joq.