Afrıka qurlyǵynyń ókilderi alǵashqy bolyp esep ashty
Qatarda ótip jatqan fýtboldan álem chempıonatynda búgin G tobyndaǵy ekinshi týrda Kamerýn men Serbıa teń tústi, dep habarlaıdy Almaty-akshamy.kz QazAqparatqa silteme jasap.
Atalǵan toptaǵy birinshi oıyn Kamerýn jáne Serbıa arasynda boldy. Alǵashqy týrda ekeýi de qarsylastaryna ese jiberdi. Kamerýn Shveısarıadan 0:1, Serbıa Brazılıadan 0:2 esebimen jeńildi.
Quramalar jarysty jalǵastyrýdy aldyna maqsat etip otyr. Sondyqtan ózara kezdesýde jeńiske jetýge bar kúshin salatyny belgili edi.
Tóreshi ysqyryǵy estilgen sátten oıyn tartysty órbidi. Afrıka qurlyǵynyń ókilderi alǵashqy bolyp esep ashty. Ony 29-mınýtta Jan-SHarl Kastelletto óziniń enshisine jazdy. Oǵan Nıkolá N'Kýlý pas shyǵaryp berdi.
Birinshi kezeńniń sońyna taman serbıalyq fýtbolshylar basymdyqty arttyrdy. Aldymen 46-mınýtta áriptesi Dýshan Tadıchtiń bergen pasyn Strahıná Pavlovıch golǵa aınaldyrdy. Osylaısha oıyn barysynda tarazy basy teńesti. Sálden keıin serbıalyq Sergeı Mılınkovıch-Savıch 48-mınýtta óziniń quramasyn alǵa shyǵardy.
Ekinshi kezeńde qos quramanyń da esepti ózgertetin múmkindigi boldy. Nátıjesinde Aleksandr Mıtrovıch 53-mınýtta esepti ulǵaıta tústi.
Oıynnyń kamerýndyq quramadan Vensan Abýbakar – 64, Erık Shýpo-Motıng 66-mınýtynda eki gol soǵyp, tarazy basy taǵy teńesti. Kezdesý 3:3 esebimen teń aıaqtaldy.
Aıta ketsek, atalǵan toptaǵy Brazılıa men Shveısarıa kezdesýi elorda ýaqytymen 22:00-de «Qazaqstan» men «Qazsport» telearnalarynan tikeleı efırde kórsetiledi.
Sondaı-aq H tobyndǵy Ońtústik Koreıa jáne Gana kezdesýi 19:00-de «Qazaqstan» jáne «Qazsport» telearnalarynan, Portýgalıa men Ýrýgvaı kezdesýi 1.00-de «Qazsport» telearnasynan tikeleı efırde kórsetiledi.