Ekotýrızm boıynsha ulttyq standart jańartyldy
Qazaqstandaǵy BUUDB qoldaýymen «Kólsaı-kólderi» ulttyq parkinde «Tabıǵatqa qulaq sal» atty jańa ekologıalyq marshrýt ashyldy, dep habarlaıdy Almaty-akshamy.kz.
Ol Saty shatqalynda ornalasqan.
Jańa marshrýttyń ataýy – tabıǵatty túsiný jáne onymen birigý, adamdar men ǵalamshardyń bolashaǵy úshin ony uqypty saqtap, qurmetteýdi bildiredi.
«Kólsaı kólderi» ulttyq tabıǵı parkinde jańa ekologıalyq marshrýtty iske qosý - kelýshiler aǵynyn bólý arqyly Kólsaı jáne Qaıyńdy kólderine túsetin shamadan tys rekreasıalyq júktemeni azaıtady.
«Bir jaǵynan, qazir týrısik sektor úshin oń úrdis baıqalyp otyr, al ekinshi jaǵynan tabıǵı ortaǵa jáne bıoalýantúrlilikke antropogendik áser kúsheıip keledi, bul ósip kele jatqan júktemeni azaıtý sharalaryn ázirleý qajet ekenin bildiredi. Bul turǵyda Mınıstrlik erekshe qorǵalatyn tabıǵı aýmaqtar salasyndaǵy zańnamalyq bazany jetildirý boıynsha jumys júrgizýde. Ekotýrızm boıynsha 2993–2017 ulttyq standarty jańartyldy. Sonymen qatar, “Ákimshilik quqyq buzýshylyq týraly” QR Kodeksine ekologıalyq quqyq buzýshylyqtar úshin azamattardyń jaýapkershiligin kúsheıtý, atap aıtqanda turmystyq qatty qaldyqtarmen lastaý jáne erekshe qorǵalatyn tabıǵı aýmaqtardyń rejımin buzǵan úshin aıyppul sanksıalaryn arttyrýǵa baǵyttalǵan ózgertýler men tolyqtyrýlar engizý boıynsha jumys júrgizilýde», – dep atap ótti Qazaqstan Respýblıkasynyń Ekologıa, geologıa jáne tabıǵı resýrstar vıse-mınıstri Á.L. Shalabekova.
«Tabıǵatqa qulaq sal» marshrýtynyń negizgi ıdeıasy ekotýrızmniń jańa baǵytyn damytý - neǵurlym tabıǵatqa jaqyn bolý, abattandyrýdyń mınımaldy elementterin qoldaný.
“Tabıǵatqa qulaq sal” marshrýtynda kirý toby, aqparattyq belgiler, vızıt alań men demalys oryndary, ulttyq parktiń bıoalýantúrliligi týraly negizgi aqparatty qamtıtyn taqyryptyq anshlagtar (stendter) ornatylǵan.
Aıta ketý kerek, joǵarydaǵydaı jumystar Qatonqaraǵaı men Saıram-Ógem ulttyq tabıǵı parkterinde júrgizilgen.