Qazaqstan quramasy irikteý satysynda D tobynda synǵa túsedi.
Búgin, 9 qazanda fýtboldan 2022 jylǵy álem chempıonatyna irikteý satysynda Qazaqstan quramasy altynshy oıynyn elordada Bosnıa jáne Gersogovınaǵa qarsy ótkizedi, dep habarlaıdy Almaty-akshamy.kz QazAqparat-qa silteme jasap.
Oıyn elorda ýaqytymen 19:00-de bastalyp, «Qazsport» telearnasynan tikeleı efırde kórsetiledi. Aıta ketsek, buǵan deıin eki qurama bir márte sheberlik baıqasty. Bıyl álem chempıonaty irikteý satysyndaǵy alǵashqy oıynda quramalar 2:2 esebine qanaǵat bildirdi.
Bosnıa jáne Gersogvına buǵan deıin álem chempıonaty fınaldyq satysynda 2014 jyly baq synady. F tobynda Argentına, Nıgerıa jáne Iranmen sheberlik baıqasyp, úshinshi oryn aldy. Ázirge Eýropa chempıonaty fınaldyq satysynda oınap kórgen emes.
Aıta keteıik, qazaqstandyq qurama irikteý satysynda D tobynda synǵa túsedi. Qarsylastary - Fransıa, Ýkraına, Bosnıa jáne Gersogovına, Fınlándıa.
Qazaqstan quramasy buǵan deıin bes oıyn ótkizdi. Úsheýinde teń nátıje tirkelip, ekeýinde qarsylastaryna ese jiberdi. Bul topta tórt oıynnan keıin 8 upaı jınaǵan Fransıa kósh basynda keledi. Qazaqstan úsh oıynnan keıin 2 upaımen besinshi orynda tur.