Shamamen 1 myń týrıs Everestiń shyǵys betkeıinde qatty boran saldarynan shatyrlarda panalaýǵa májbúr boldy, - dep habarlaıdy Aqshamnews.kz.
4 qazan kúni taýdyń shyǵys betkeıinde sońǵy jyldardaǵy eń kúshti borannan keıin negizgi marshrýttar tolyqtaı jabylyp, kóriný kúrt 1 metrge deıin tómendegen. Joǵaryǵa shyǵatyn týrıser muzdaq joldarmen ári qaraı júre almaı, óz shatyrlaryna panalaýǵa májbúr bolǵan. Keıbir týrıser tómen qaraı túsýin jalǵastyrsa da, kópshiligi qutqarýshylardyń kómegine muqtaj, dep jazady basylym.
«Szımý sınven» aqparattyq portalynyń málimeti boıynsha, týrıser 4 900 metr bıiktiktegi lagerde turyp qaldy.
Qytaıdyń Tıbet avtonomıalyq aýdanynyń Shıgadze qalasy bıligi qutqarýshylar toptaryn týrıserge kómek kórsetý úshin jibergenin habarlady.
Everest (Djomolýngma) Mahalangýr-Hımal gımalaı jotasyna kiredi, taý Nepal men Qytaıdyń Tıbet avtonomıalyq aımaǵynyń shekarasynda ornalasqan. 2020 jyldyń jeltoqsanynda Qytaı men Nepal birlesken ekspedısıalardan keıin Everestiń jańa bıiktigin jarıalady: ol 8 848,86 metrdi quraıdy, bul burynǵydan 86 sm joǵary,- dep jazady kaz.inform.kz.