Vaksınanyń 3 myńǵa jýyq dozasy ǵana qoljetimdi
Eýropalyq odaqtyń keıbir elderinde maımyl sheshegin juqtyrǵandar sany ósýde, dep habarlaıdy Almaty-akshamy.kz QazAqparat-qa silteme jasap.
Germanıanyń Robert Koh ınstıtýtynyń málimeti boıynsha, 10 tamyzda Germanıada maımyl sheshegin juqtyrǵan 3025 adam anyqtaldy. Saraptama nátıjesi boıynsha basym kópshiligi erler arasynda tirkelgen. Sondaı-aq segiz áıel, eki jasóspirim jáne tórt jasar qyz aýyryp qaldy, dep habarlady nemis mamandary.
Sonymen birge Deutsche Aidshilfe AITV-men aýyratyn naýqastarǵa kómek kórsetý uıymynyń ókilderi Germanıada maımyl sheshegine qarsy vaksınalardyń shekteýli mólsherde jetkiziletinin aıtty.
Belgıada maımyl sheshegin juqtyrǵan alǵashqy áıeldi tirkedi. Belgıanyń Densaýlyq saqtaý mınıstrliginiń málimetinshe, qazir el turǵyndaryna vaksınanyń 3 myńǵa jýyq dozasy ǵana qoljetimdi. Osyǵan baılanysty táýekel tobyna jatatyn adamdar Fransıanyń vaksınasy jetkilikti kórshiles aımaqtaryna barady.
Eýrokomıssıa ókili seısenbide vaksınanyń óndiristik qýaty shekteýli ekenin aıtty.