Bul týraly Bostandyq aýdanynyń turǵyndarymen kezdesýde qala ákimi Erbolat Dosaev málimdedi.
2022 jyly Bostandyq aýdanynda uzyndyǵy shamamen 23 shaqyrym 22 kóshege ortasha jóndeý júrgizildi. Jalpy aýdany 8 myń sharshy metrden asatyn 65 kóshege aǵymdaǵy jóndeý júrgizildi. 4 shaqyrym trotýar salynyp, jóndeldi.
Osy jyly aýdan aýmaǵynda birinshi kezeńde uzyndyǵy 15,5 shaqyrym 31 kóshege ortasha jóndeý jumystaryn júrgizý josparlanǵan. Sondaı-aq ál-Farabı dańǵyly boıyndaǵy Esentaı ózeni arqyly ótetin kópir jańartylyp, 2 kópir men erekshe qajettilikteri bar adamdarǵa arnalǵan pandýstar ornatylady. Jobalaý-smetalyq qujattama memlekettik saraptamadan aqpan aıynyń sońyna deıin shyǵady dep kútilýde.