Bıylǵy İ jartyjyldyqta bul jobalar boıynsha jobalaý-smetalyq qujattama ázirlenedi.
Turǵyndardyń jaıly ómiri úshin qoǵamdyq keńistiktiń úsh obektisin abattandyrý josparlanǵan, dep habarlaıdy Almaty-akshamy.kz
Jańa jobalar - ál-Farabı dańǵylynan Abaı dańǵylyna deıingi uzyndyǵy 7,1 km Úlken Almaty ózeniniń jaǵalaýy, burynǵy Rezıdensıa ornyndaǵy park jáne Tuńǵysh Prezıdent saıabaǵyn rekonstrýksıalaý.
Osy jyldyń İ jartyjyldyǵynda bul jobalar boıynsha jobalaý-smetalyq qujattama ázirlenedi. Qurylys-montajdaý jumystaryn bıyl III toqsanda bastap, 2024 jyldyń III toqsanynda aıaqtaý josparlanǵan.
Ótken jyly Bostandyq aýdanynda 16 ýchaskede turaqty sý basatyn oryndar bolǵan. Tótenshe jaǵdaı jelisi boıynsha bul máseleni jedel sheshý úshin 2022 jylǵy jeltoqsanda sý basýǵa neǵurlym beıim 6 ýchaskede jumystar bastaldy.
Búgingi kúni 913 m aryq jelisin rekonstrýksıalaý jáne salý esebinen 5 ýchaske joıyldy. Bıyl naýryz aıynyń sońyna deıin Tımırázev pen Aımanov kósheleriniń qıylysyndaǵy taǵy 1 ýchaskeni joıamyz. Qalǵan 10 ýchaske 2023 jyldyń sońyna deıin joıylady.