Joıqyn zilzala bolǵan Túrkıanyń Hataı provınsıasyndaǵy Erzın qalasynda bir de bir ǵımarat qulamaǵan
Joıqyn zilzala bolǵan Hataı provınsıasyndaǵy Erzın qalasynda bir de bir ǵımarat qıraǵan joq, dep habarlaıdy Almaty-akshamy.kz @yyedilov telegram kanalyna silteme jasap.
Túrkıanyń Hataı provınsıasynda jer silkinisi orasan zor shyǵyndar ákeldi. Degenmen óńirde jalǵyz Erzın qalasy ǵana tabıǵı apatqa tótep berdi. Aýdanda bir de bir ǵımarat qulamaǵan. Sebebi, Erzın qalasynyń meri Ókkesh Elmasoǵly ǵımaratty zańsyz salýǵa, ereje buzýǵa jol bermegen, qurylys salýshylarǵa qatań talaptar qoıa bilgen. Osy minezinen ákim talaı taıaq ta jedi, qurylys alpaýyttary onyń kózin qurtqysy da keldi. Talaı qıyndyqty bastan ótkergen Ókkesh Elmasoǵly qazir Túrkıada halyq batyry atandy.
«42 myń turǵyny bar Erzın aýdanynda zardap shekkender joq, óıtkeni ǵımarattar qıraǵan joq. Men eshbir qurylystyń zańsyz salynýyna jol bermedim. Osy úshin meni talaı ret qýdalady, synady, qorqytty. Olar maǵan «Eldegi jalǵyz adal adam sen bolmaı aq qoıshy», - dedi. Esesine qazir meni ar-ujdanym mazalamaıdy, el aldynda arym taza», - dedi ákim. Osylaısha jemqorlyqqa jol bermeı, myńmen jalǵyz alysýǵa bolady. Ókkesh Elmasoǵly – halqynyń qamyn jegen adal azamat, naǵyz batyr», - dep jazady @yyedilov telegram kanaly.