28 jáne 29 naýryzda Beıjińde Qytaıdaǵy Qazaqstan týrızmi jylynyń resmı ashylýy ótedi.
2024 jyldyń Qytaıdaǵy Qazaqstan týrızmi jyly bolyp jarıalanǵany Qasym-Jomart Toqaevtyń 2023 jyly Qytaıǵa resmı sapary barysynda belgili boldy. Qazirgi tańda Beıjińge Qazaqstannyń resmı delegasıasy bardy, dep habarlaıdy almaty-akshamy.kz.
Onyń quramynda Premer-Mınıstrdiń orynbasary, Syrtqy ister mınıstri Murat Nurtileý, Týrızm jáne sport mınıstri Ermek Marjyqpaev, sondaı-aq ákimdikterdiń, «Kazakh Tourism» Ulttyq kompanıasynyń, «Atameken» UKP-nyń ókilderi men 150-den astam mádenıet qaıratkerleri bar. Qazirgi tańda resmı is-sharalar ótetin nysandarda qyzý daıyndyq barysy júrip jatyr. Konferens zal men konserttik zaldar qonaqtardy kútýge ázirlenip, ártistik ujymdar daıyndyqtaryn júrgizip jatyr. Jyldyń ashylýy aıasynda birqatar is-shara ótedi. Olar Týrızm jáne ınvestısıalardy damytý boıynsha Qazaqstan-Qytaı forýmy, Qazaqstan oblystarynyń kórmesi, etnoaýyldaǵy mádenı is-sharalar, sonymen qatar gala-konsert bolmaq. Uıymdastyrýshy – Qazaqstan Respýblıkasy Týrızm jáne sport mınıstrligi. Aıta keteıik, forýmǵa qatysýshylar Qazaqstannyń 17 oblysynyń stendterin tamashalaı alady. Onda árbir óńirdiń týrısik nysandary kórsetilgen. Sondaı-aq forým aıasynda týrızm salasyndaǵy memlekettik organdar men kompanıalardyń qatysýymen eki paneldik sesıa ótedi. Birinshi sesıa «Qytaı saıahatshylary úshin Qazaqstandaǵy uıymdastyrylǵan týrızm múmkindikteri», ekinshi sesıa «Týrısik bıznestegi áriptestik: Qazaqstan-Qytaı arasyndaǵy ınvestısıalyq múmkindikter». Oǵan qosa, forým barysynda «Kazakh Tourism» ulttyq kompanıasy men Messe Frankfurt Asia Holding ókilderi arasynda ózara túsinistik týraly memorandýmǵa qol qoıylady. Óz kezeginde Qazaqstan mádenıetin gala-konsertte óner kórsetetin ártister tanystyrady. Olardyń qatarynda shyǵarmashylyq mýzyka jáne bı ujymdary, sondaı-aq Roza Rymbaeva, Álı Oqapov, Maıra Muhamedqyzy, Zarına Altynbaeva, «Ulytaý» toby jáne basqa da jarqyn solıser bar. Gala-konsertte Qytaıdyń ónerpazdary da óner kórsetedi. Oǵan qosa, delegattar tiziminde Olımpıada chempıony Serik Sápıev, UFC sportshysy Shavkat Rahmonov pen Olımpıada júldegeri Qanat Islam da bar.