Qaısarlyq – qanmen keler qasıet!
Táýelsizdiktik 30 jyldyǵy aıasynda, Almatyda Rataı Sultanbekovtyń esimi men erligin óskeleń urpaqqa dáripteý maqsatynda is-sharasy ótti.
Almaty qalasy Ortalyqtandyrylǵan kitaphana júıesiniń №4 bólimishesinde, qazaq batyrynyń erligi dáripteldi. Kitaphana meńgerýshisi Imanbaeva Saǵyn Kádenqyzy, nemere inisi Kenishbek Sultanbekovtyń muryndyq bolýymen aıtýly shara boldy. Atalaǵan jıynǵa Qazaqstan Jazýshylar odaǵynyń múshesi Ermek Zikirıanov, eńbek ardageri Eset Amantaev jáne kolldej stýdentteri, oqýshylar qatynasty.
Jıyndy jazýshy Ermek Jumahmetuly ashty. Batyr Rataıdyń qaısarlyǵyn sóz etti. Ekinshi dúnıejúlik soǵysta, nebári 21 jasynda batalón basqaryp, qıan-keski urysta erliktiń eren úlgisin kórsetkendigin aıtty. Osynyń barshasy kitapqa jazylǵandyǵyn málimdedi. Sodan keıingi oıdy týysy Kenishbek, jerlesi Eset aqsaqaldar jalǵady. Olar oǵlannyń tarıhtaǵy bedeli, aıbyny, jaýjúrektiligi, ór-rýhtylyǵyna toqtaldy. Halqymyzdyń arda ulynyń esimi óshpes úshin Almatydan kóshe berilse degen tilekterin de jetkizdi.
Osylaısha, qazaqy naqyshta qobyz, dombyra úni estildi. Patrıottyq baǵytta án-kúı shyrqalyp tarasty.
Ultyna qyzmet jasaǵan tulǵanyń aty – tarıhta altyn árippen jazylaryna senemiz!