Aldaǵy ýaqytta Almatyda qoǵamdyq oryndar sany kóbeıedi. Bul týraly OKQ brıfıńinde Almaty ákimi Erbolat Dosaev málimdedi.
2023 jyly Almatyda 6 qoǵamdyq keńistik abattandyryldy (Oqýshylar saraıy, QBTÝ, Baıseıitova kóshesi, Jeltoqsan saıabaǵy, Kókmaısa y/a, Áýejaıdaǵy Dańq alańy). Jalpy aýdany 64,8 ga.
«Bul qaladaǵy óte tanymal saıabaq aımaqtary. Bul aımaqtar retke keltirilip, halyq ıgiligine berildi. Bizdiń 2024-2025 jyldarǵa arnalǵan úlken josparymyz bar. Óıtkeni ázirleý prosesinde kóptegen jobalar bar. Qarajat jaǵy da qarastyrylyp qoıdy. Onyń ústine Jasyl Almatyǵa qatysty da keremet josparlar daıyn", - dep atap ótti Erbolat Dosaev.
Qala basshysynyń aıtýynsha, Panfılov kóshesindegi jaıaý júrginshiler aımaǵynan bólek Sátbaev kóshesinen Jambyl kóshesine deıin (uzyndyǵy 2 km) Baıseıitova kóshesin abattandyrý jumystary aıaqtaldy. Osylaısha Respýblıka alańynan Abaı atyndaǵy QUOJB teatryna deıingi biryńǵaı jaıaý júrginshiler aımaǵy quryldy.
«Sondaı-aq bizde Pýshkın kóshesine qatysty josparymyz bar. Maqataevtan Raıymbekke deıingi josparlar is júzinde bekitildi. Endi biz bul jospardy Maqataevtan Gogol kóshesine deıin jetkizsek deımiz. Sonymen qatar, Áýezov, Alataý, Jetisý, Túrksib aýdandarynda da osyndaı jaıaý júrginshiler aımaǵyn qurǵymyz keledi. Joba daıyn bolǵan kezde onymen bólisip, qaıda jáne ne isteıtinimizdi kórsetemiz. Meniń oıymsha, qala durys baǵytta damyp keledi jáne qoǵamdyq keńistikter kóp bolady", - dedi Erbolat Dosaev.
Anyqtama úshin:
Qazirgi ýaqytta Almatyda Esentaı ózeniniń boıyndaǵy jaǵalaýlardy abattandyrý jumystary júrgizilýde. Jetisý aýdanyndaǵy Kókmaısa (uzyndyǵy 1,8 km) jáne Alataý aýdanyna qarasty Kók-Qaınar y/a Boraldaı ózeni. (uzyndyǵy 2,2 km).
Kelesi jyly Esentaı ózenin (sý bólgishten Medeýge deıin, uzyndyǵy 6,2 km) jáne Ú.Almaty (Tuńǵysh Prezıdent saıabaǵynan Saıran kóline deıin,uzyndyǵy 7,1 km) ózenderiniń boıyndaǵy jaǵalaýlardy rekonstrýksıalaý josparlanýda. Sonymen qatar, 2024 jyly jaıaý júrginshilerge baǵdarlanǵan uzyndyǵy 17 km Raıymbek dańǵylyn qaıta qurý josparlanýda.
Gogol kóshesinen Raıymbek batyr dańǵylyna deıingi uzyndyǵy 1,1 km Pýshkın kóshesindegi jaıaý júrginshiler aımaǵyn abattandyrý boıynsha qosymsha joba ázirlenýde.
Sonymen qatar, jeti kóshede jaıaý júrginshiler ınfraqurylymyn damytý josparlanýda:
1. Radostoves kóshesi, Abaıa dańǵylynan Tóle bı kósh.deıin, uzyndyǵy 1,39 km;
2. Makataev kóshesinen K.Almaty ózeninen Esentaı ózenine deıin, uzyndyǵy 4,44 km;
3. Jandosov kóshesi, Manastan Ú.Almaty ózenine deıin uzyndyǵy 3,11 km;
4. Sátbaevtan Baızaqov kóshesinen Tilendıev kóshesine deıin, uzyndyǵy 2,77 km;
5. Gogoldan Áýezov kóshesinen Jeltoqsan kóshesine deıin, uzyndyǵy 3,05 km;
6. Áýezovten Tımırázev kóshesinen Gogol kóshesine deıin, uzyndyǵy 3,44 km;
7. Rozybakıevten, ál-Farabıden Tóle bı kóshesine deıin, uzyndyǵy 6,35 km.