Aǵymdaǵy jyly Almatyda qala ákiminiń tapsyrmasy boıynsha 70 kóshede 25 km jańa jol salyndy jáne 200 km jolǵa ortasha jóndeý júrgizildi. Bul týraly OKQ brıfıńinde BAQ suraqtaryna jaýap bergen Erbolat Dosaev málimdedi. Qala basshysy 2024 jyly qalanyń 8 shaǵyn aýdanynda 70 km jańa jol salý jáne 250 km joldy ortasha jóndeýmen qamtý josparlanǵanyn aıtty.
Erbolat Dosaev jýrnalısiń ál-Farabı dańǵyly men Abaı dańǵylyndaǵy jol jabynyn ortasha jóndeý týraly suraǵyna da jaýap berdi. "Ál-Farabı jáne Abaı dańǵyldarynda jol jamylǵysyn ortasha jóndeý jumystary júrgizildi. Jumys sapasyna shaǵymdar joq. Jóndeý aıaqtalǵannan keıin kólik aǵyny kóbeıdi". Buǵan deıin aǵymdaǵy jol jóndeý maýsymynda alǵash ret polımerler qosylǵan asfáltbeton qospasy paıdalanylǵany habarlanǵan bolatyn. Jol qurylysynda polımerlerdi paıdalanýdyń artyqshylyǵy onyń tózimdiligi, sondaı-aq jol tóseminiń qyzmet etý merzimin uzartý, beriktikti nyǵaıtý jáne asfáltbeton tóseminiń aıazǵa tózimdiligin arttyrý bolyp tabylady.
"2025 jyly Almaty qalasynda joldardyń bolmaýyna baılanysty problemany japqymyz keledi. Bıyl 33 mlrd teńge bólindi, kelesi jyly - 45 mlrd teńge. Kólik ınfraqurylymyn damytý Almaty ákimdigi jumysynyń mańyzdy basymdyqtarynyń biri bolyp tabylady", - dedi Erbolat Dosaev.
Aıta keterligi, Almaty qalasynyń kóshe-jol jelisiniń jalpy uzyndyǵy 3097 km quraıdy, onyń ishinde aǵymdaǵy jyldyń sońynda 184 km qatty jabynsyz, al jyl basynda 209 km boldy). Dosaevtyń aıtýynsha, osylaısha jol tósemine qatysty másele jabylady dep josparlanýda.