2021 jyldyń 7 aıynda «Eńbek» memlekettik baǵdarlamasyna 397 myńnan astam adam qatysty, dep habarlaıdy almaty-akshamy.kz Qazaqstan Respýblıkasy Eńbek jáne halyqty áleýmettik qorǵaý mınıstrligine silteme jasap.
Aǵymdaǵy jylǵy 1 tamyzdaǵy jaǵdaı boıynsha, 397,6 myń adam Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasynyń qatysýshylary boldy. 288,8 myń adam jumysqa ornalastyryldy, onyń 166,3 myńy turaqty jumysqa turdy.
Baǵdarlamanyń birinshi baǵyty aıasynda qysqa merzimdi kýrstarǵa 14,2 myń adam jiberildi. 4,5 myńnan astam adam óz isin ashý úshin jeńildikti mıkrokredıtter, al 18,1 myńy qaıtarymsyz memlekettik granttar aldy.
Sýbsıdıalanatyn jumys oryndaryna 142,9 myń adam jumysqa ornalastyryldy, onyń ishinde: áleýmettik jumys oryndaryna 15,9 myń adam; jastar praktıkasyna – 16,3 myń adam; qoǵamdyq jumystarǵa – 110,7 myń adam. Eńbek resýrstarynyń utqyrlyǵy sheńberinde 1 133 otbasy nemese 3 750 adam qonys aýdardy, onyń ishinde 1 610 adam eńbekke qabiletti jasta bolyp tabylady. Onyń ishinde 1 075 adam jańa turǵylyqty jerinde turaqty jumysqa ornalastyryldy jáne 76 adam kásipkerlik qyzmetpen aınalysady, 4 adam oqýǵa jiberildi.
Esterińizge sala keteıik, 2020 jyly «Eńbek» memlekettik baǵdarlamasyna 649 myń adam qatysty. 437,3 myń adam jumysqa ornalastyryldy, onyń 319,2 myńy turaqty jumysqa turdy. Jappaı kásipkerlikti damytýǵa 12,7 myń mıkrokredıt jáne jańa bıznes-ıdeıalardy iske asyrýǵa 44,9 myń qaıtarymsyz memlekettik grant berildi.
Qysqa merzimdi oqytý kýrstaryna 18,7 myń adam jiberildi, al TjKB uıymdarynda oqytýmen 18,4 myń adam qamtyldy. Budan basqa, eńbek resýrstarynyń utqyrlyǵyn arttyrý sheńberinde jumys kúshi artyq óńirlerden quramynda 5,8 myń adam bar 1,8 myń otbasy qonys aýdardy.