Eldiń basym bóliginde kún sýytty
Búgindikke áleýmettik jeli qoldanýshy elorda turǵyndary qalanyń aq ulpaǵa oranǵanyn jarysa aıtýda. Jol qozǵalysy qıyndap, kólikter taıǵanaqtap, qıyndyqtar týyndap jatyr, dep habarlaıdy Almaty-akshamy.kz 24.kz-ke cilteme jasap.
Qazir Nur-Sultan qalasynda aýanyń temperatýrasy -1 gradýs shamasynda. Qalada keptelister paıda bolyp, jol-kólik oqıǵalary da kóptep tirkelýde. Nur-Sultan qalalyq jol polısıasynyń habarlaýynsha, keshe, ıaǵnı ótken táýlikte, 96 jol-kólik oqıǵasy tirkelgen. Bul ádettegiden 1,5-2 esege kóp.
QazAqparat aqparttyq agenttiginiń málimetinshe, sınoptıkter erteń Almatyda da aýa raıy buzylyp, qar aralas jańbyr jaýyp, kún sýytady dep boljaýda.
Búgin Qazaqstan aýmaǵynyń basym bóligi jaýyn-shashynnyń aldyn alýǵa jáne aýa temperatýrasynyń odan ári tómendeýine ákeletin soltústik-batys antısıklonnyń yqpalynda bolady.