Sońǵy eki jylda Qazaqstanǵa jalǵan dári-dármekterdi ákelý boıynsha 700-ge jýyq buzýshylyq faktisi tirkeldi.
Bul týraly Densaýlyq saqtaý mınıstri Ajar Ǵınıat brıfıńte aıtty, - dep habarlaıdy Almaty-akshamy.kz.
«Dárilik zattardyń zańsyz aınalymyn baqylaý sheńberinde únemi monıtorıń júrgiziledi. Sońǵy eki jylda 700-ge jýyq buzýshylyq faktisi oryn alyp, dári-dármekterdi zańsyz satqany úshin 80 mln teńgeden astam aıyppul salyndy. Qazir eki qylmystyq is tergelýde», - dedi Ajar Ǵınıat.
Onyń aıtýynsha, azamattar tarapynan jalǵan dári-dármek satyp alý týraly ótinishter túsken joq.
«Biz barlyq ótinishterdi nemese medısınalyq uıymdarǵa kiretin pasıentterimizdiń «sary kartalaryn» qadaǵalaımyz. Zań boıynsha mundaı dárilik preparattardyń sapasy men qaýipsizdigine tolyq tekserý júrgizilip jatyr», - dep qosty mınıstr.
Budan buryn habarlanǵandaı, Densaýlyq saqtaý mınıstrligi 2022 jylǵy 30 mamyrda dárilik zattardy tańbalaý erejesine ózgeristerdi engizgen, biraq ol 6 tamyzdan bastap qoldanysqa engiziledi.