Bul oqıǵa Jambyl oblysynda oryn alǵan.
Jambyl oblysy boıynsha memlekettik kirister departamenti ekonomıkalyq tergeý departamentimen birlesip júrgizgen sharalar barysynda Aısha bıbi shekara beketinde eki avtokólikti ustady, dep habarlaıdy Almaty-akshamy.kz QazAqparatqa silteme jasap.
Shekara beketinde kúdik týǵyzǵan eki qyrǵyz azamaty ustalǵan. I. atty azamat tizgindegen 07KG133AAG nómirli «Mersedes» avtokóligi jáne B. basqaryp kele jatqan № 09KG510AAV «Penault Premium» kóligi toqtatyldy.
Atalǵan avtokólikterdi tekserý barysynda «Parlament» jáne «Antivirus» markaly alkogól óniminiń 25 920 bótelkesin Qazaqstan aýmaǵyna zańsyz ákelý faktisi anyqtaldy. Bul rette alkogól ónimderiniń bul partıasy «Big Bon» tez daıyndalatyn kespe retinde jasyryn tasymaldandy. Aldyn ala qorytyndy boıynsha ustalǵan alkogól ónimi partıasynyń jalpy quny - 25 660 800 teńge.
Atalǵan fakti boıynsha Jambyl oblysy boıynsha ekonomıkalyq tergeý departamenti alkogól óniminiń zańsyz aınalymynyń jolyn kesý boıynsha qylmystyq is qozǵaldy.