Jańa beles.
Qazaqstannyń qosymsha quny joǵary ónim óndirisiniń básekege qabilettiligin arttyrý, eksportqa shyǵarylatyn otandyq taýar túrlerin keńeıtý, sondaı-aq ekonomıkanyń qarqyndy damýyn qamtamasyz etý úshin ınfraqurylymdy jetildirý, dep habarlaıdy Almaty-akshamy.kz Qazaqtv.com saıtyna silteme jasap.
Bul – Qazaqstannyń Damý bankiniń 2030 jylǵa deıingi damý strategıasyna engizilgen ózgerister men tolyqtyrýlar. Bul jóninde Qarjy ınstıtýtynyń basqarýshy dırektory Rahymjan Sataev málimdedi. Onyń aıtýynsha, bank aldaǵy 9 jylda shıkizattyq emes sektordaǵy óndiristerge baǵyttalǵan jobalardy qarjylandyrýǵa basymdyq bermek. Osylaısha 2030 jylǵa qaraı bul baǵyttaǵy óndiristerdiń úlesi 50% kem bolmaýy tıis. Sondaı-aq aldaǵy 10 jylda ınfroqurylymdyq jáne ınvestısıalyq bastamalar úlken demeýge ıe bolady.
«Jańartylǵan damý strategıasynda bank pen bıznes arasynda naryqtyq qarym-qatynasty damytý úshin jeke sektordy ekonomıkany ártaraptandyryp, jańǵyrtý baǵytyna tartatyn jobalarǵa basymdyq beriletin bolady. Biz ındýstrıaldyq-ınnovasıalyq damý jáne ınfroqurylymdyq damý syndy memlekettik baǵdarlamalardyń negizgi operatory bolyp qalamyz. Buǵan qosa strategıany jańartýǵa baǵyttalǵan jobaǵa turaqty damý qaǵıdalaryn oryndaýǵa qatysty maqsatty endirýdi jón dep sheshtik», - dedi QDB basqarýshy dırektory Rahymjan Sataev.