Vaksınalar koronavırýstyń mýtasıalanǵan jańa shtamdarynan qorǵaıdy
Koronavırýsqa qarsy vaksınasıanyń joǵary qarqyny qoldanystaǵy vaksınalarǵa tózimdi shtamdardyń yqtımaldyǵyn tómendetedi. Bul pikirdi Almaty qalasynyń joǵary sanatty dárigeri, qoǵamdyq densaýlyq saqtaý magıstri Natalá Rahalskaıa aıtty, dep habarlaıdy Almaty-akshamy.kz.
«Turaqty epıdemıologıalyq jaǵdaıǵa oralý ýaqyty siz ben bizge baılanysty. COVID-19 - óte qaýipti aýrý», - deıdi N. Rahalskaıa.
Dáriger koronavırýstyń reseptorlary tek ókpede ǵana emes, sonymen qatar deneniń basqa músheleri men júıelerinde bar ekenin túsindirdi. Vırýs júrek tininiń jasýshalarynda, búırekte jáne tamyrlardyń ishki betin qaptaıtyn endotelııde belsendi túrde kóbeıe alatyny belgili, bul trombozǵa ákeledi.
COVID-19 kezinde ortalyq júıke júıesiniń ár túrli zaqymdanýy ár túrli.
Sondyqtan vaksınalaný mańyzdy. Barlyq elder halqynyń 70%-ynyń vaksınalanýy pandemıany toqtatýǵa múmkindik beredi. Almatydaǵy epıdemıologıalyq ahýal áli de ýshyǵyp tur.
«Sońǵy ǵylymı dálelder KVI vaksınalarynyń kez kelgeni jańa shtamdar men mýtasıalarǵa qarsy óte tıimdi ekenin kórsetedi. Biz jańa shyndyqty qabyldaýǵa tıispiz, dál qazir bul vırýs ómir súrýde jáne, eń bastysy, adamdar arasynda taralýda. Sondyqtan vırýstan «qorǵaný» qajet. Ol úshin vaksına saldyrǵan jón», - dedi dáriger N.Rahalskaıa.
Vaksınany adamdardyń barlyǵynyń alǵany abzal, tipti ımýnıteti tómen jandar da. Sonda ǵana ujymdyq ımmýndaýdy qalyptastyrýǵa bolady.
«Biz óz tájirıbemizde revmatoıdty naýqastarǵa, oń VICH statýsy bar adamdarǵa, tipti 80 jastan asqan qarttarǵa ekpe saldyq. Olardyń barlyǵy ekpeni durys qabyldady. Vaksınalaný qaýipti derttiń aldyn alady jáne denimizdiń saý bolýyna kómektesedi», - dedi N. Rahalskaıa.
«Taǵy qaıtalap aıtsam, ımýnıtetti joǵarylatýdyń birden-bir tıimdi joly ádisi – vaksınalaný. Onyń ústine, bul elimizde qoljetimdi, kórshi elderde ol barynsha tapshy», - dep túıindedi sózin almatylyq dáriger.