«Arhıv jáne bolashaq urpaq» ataýymen elimizdiń barlyq óńirindegi arhıvterde Ashyq esik kúni ótýde.
Jalpy, respýblıka boıynsha 220-ǵa jýyq arhıv bar. Onda 26 mıllıon qujat saqtalǵan. Dál búgin mektep oqýshylary men stýdentter sol muraǵatqa baryp, qundy qujattarmen tanysyp, tarıhqa tereń boılaı alady. Astanadaǵy ulttyq arhıv te jetkinshekterge esigin aıqara ashty, dep habarlaıdy Almaty-akshamy.kz 24.kz-ke silteme jasap.
«Jalpy, álemniń árbir memleketiniń órkenıettik ólshemi, damýy barlyǵy osy arhıvtermen tikeleı baılanysty. Óıtkeni jazba tarıhtyń barlyǵy osynda jatyr. Sony jas urpaq ustap óz kózimen kórip, elimizdiń XVI ǵasyrdan bastap qazirgi kezge deıingi tarıhty kórse, olardyń boılarynda ultqa, Otanǵa degen súıispenshilik qalyptasady», - deıdi Arhıv isteri jáne qujattamany basqarý komıtetiniń tóraǵasy Qýat Borash.