Jaýyngerler «sodyrlar» ornalasqan ǵımaratqa shabýyl jasaıdy
Qazaqstan Respýblıkasy Qarýly Kúshteriniń áskerı qyzmetshileri UQSHU Bitimgershilik kúshterimen oqý-jattyǵýlarǵa qatysý úshin Reseı Federasıasyna bardy, dep habarlaıdy Almaty-akshamy.kz.
Oqý-jattyǵýdyń ashylýy rásimi 8 qarashada Qazandaǵy Jýkov Qyzyl tý ordeni joǵary komandalyq tank ýchılıshesiniń polıgonynda ótedi. Oqý-jattyǵýdyń negizgi mindeti – beıbitshilikti qoldaý jónindegi operasıalardy júrgizýde UQSHU Ujymdyq bitimgershilik kúshteriniń quramyna kiretin áskerı bólimder men bólimshelerdiń úılesimdiligin arttyrý.
UQSHU Ujymdyq kúshteriniń toptary aldynda bitimgershilik operasıany daıyndaý jáne júrgizý boıynsha tapsyrmalardy pysyqtaý mindeti tur. Bitimgerlerdiń oqý-jaýyngerlik tapsyrmalaryna bosqyndar lagerinde jumys isteý, gýmanıtarlyq júgi bar lekterdi alyp júrý, daǵdarys aýdanynda ornalasqan eldi mekendi oqshaýlaý jáne tosqaýyl beketterinde qyzmet uıymdastyrý kiredi.
«Oqý-jattyǵýdyń qorytyndy bóliginde Ujymdyq kúshterdiń toptary jaýyngerlik bólimshelermen «sodyrlar» ornalasqan ǵımaratqa shabýyl jasaıdy, «kepilge alynǵan adamdardy» bosatady jáne zardap shekkenderge kómek kórsetedi,-delingen habarlamada.
Oqý-jattyǵýǵa baqylaýshy retinde Serbıa Respýblıkasy men Halyqaralyq Qyzyl Kres komıtetiniń ókilderi shaqyryldy.