Bul týraly «Jastardy áskerı-patrıottyq tárbıeleý boıynsha sharalar keshenin júzege asyrý» jobasynyń úılestirýshisi Shyryn Tlenchıeva brıfıń barysynda aıtty.
Onyń aıtýynsha, naýryzdan bastap Almaty Stýdentter alánsy koroporatıvtik qory Azamattyq bastamalardy qoldaý ortalyǵy komersıalyq emes AQ-nyń granttyq qarjylandyrýy aıasynda «Jastardy áskerı-partıottyq baǵytta tárbıeleý boıynsha sharalar keshenin júzege asyrý» atty jobany qolǵa alǵan, dep habarlaıdy Almaty-akshamy.kz Elorda.info-ǵa silteme jasap.
"Bul jobanyń basty maqsaty – jastardyń ózin-ózi tanýyna, sonymen qatar ulttyq ruhanı baılyǵyn jetildirýge jáne ulttyq bolmysty jastar boıyna sińirýge, áskerı-patrıottyq baǵytty nasıhattaýǵa arnalǵan", – dedi ol.
Sonymen qatar ol granttyq baǵdarlama aıasynda tuńǵysh ret áskerı-patrıottyq baǵytta jumys isteıtin áskerı klýbtar men qoǵamdyq birlestikterge arnalǵan shaǵyn granttar usynylatynyn jetkizdi.
"Osy baǵytta jumys isteıtin ÚEU men klýbtar ishinen on uıymdy baıqaý arqyly iriktep alyp, shaǵyn granttardy usynamyz. 7 mamyrǵa oraı jastar arasynda, ıaǵnı Tik Tok-ta meniń áskerı obrazym nemese meniń áskerı daıyndyǵym degen taqyrypta arnaıy chellendjdi bastaýdy kózdep otyrmyz. Oǵan qosa metepterde áskerı daıyndyq pániniń muǵalimderimen birge oqytý jumystaryn da júrgizemiz. Ol kisilerge ádistemelik quraldar daıyndalady",– dedi Shyryn Tlenchıeva.
Sondaı-aq ol atalǵan jobaǵa qoǵamdyq ómirden tys qalǵan azamattardy tartý arqyly áskerı baǵytqa moraldyq jaǵynan daıyn jastardy daıyndap shyǵarǵylary keletinin jetkizdi.