Qazaqstanda kólik sany artyp keledi: tamyz aıynda 160 myńǵa jýyq avtokólik tirkeldi, dep habarlaıdy Aqshamnews.kz tilshisi.
Ulttyq statısıka búrosynyń deregine sáıkes, tirkelgen barlyq kólik İshki ister mınıstrliginiń aqparattyq júıesine engizilgen. Tamyz aıyndaǵy kórsetkish boıynsha kólikterdiń basym bóligi jeńil mashınalar. Sonymen qatar, 9 700 júk kóligi, 1 500 avtobýs jáne 3 500-den astam motosıkl tirkelgen.
Qyrkúıek aıynda Qazaqstan boıynsha jalpy 6,7 mıllıonnan astam kólik tirkelgeni anyqtaldy.
Statısıkaǵa súıensek, avtoparktiń basym bóligi eski kólikterden turady:
-
Jeńil kólikterdiń 41,5 paıyzy 20 jyldan astam ýaqyt paıdalanylyp keledi;
-
24 paıyzy – 10-20 jyl aralyǵynda;
-
10 paıyzy – 7 jyldan 10 jylǵa deıin;
-
17 paıyzy – 3 jyldan 7 jylǵa deıin júrilgen;
-
Al nebári 6,8 paıyzy ǵana úsh jylǵa jýyq ýaqyt buryn satyp alynǵan jańa kólikter.
Aıta keteıik, buǵan deıin elimizde 2028 jyldan bastap SOS batyrmasy joq kólikter tirkeýge alynbaıtyny týraly habarlanǵan bolatyn.