Bes kolej stýdentterdi lısenzıasyz oqytqan.
Bul týraly Oqý-aǵartý mınıstrliginiń baspasóz qyzmeti málim etti, dep habarlaıdy Almaty-akshamy.kz.
Bilim salasyndaǵy sapany qamtamasyz etý komıtetiniń málimetinshe, memlekettik atestattaý kezinde tehnıkalyq jáne kásiptik bilim berýdegi birqatar problema anyqtaldy.
«Memlekettik atestattaýdy ótkizý barysynda lısenzıasyz bilim berý qyzmetimen aınalysqan kolejder anyqtaldy. Bul – Qostanaı oblysy Denısov kásiptik-tehnıkalyq koleji, Qaraǵandy oblysy A.Mýsın atyndaǵy Balqash gýmanıtarlyq-tehnıkalyq koleji, Qaraǵandy joǵary gýmanıtarlyq, Aqtóbe gýmanıtarlyq-tehnıkalyq koleji jáne Temirtaý joǵary polıtehnıkalyq koleji», – dedi komıtet tóraǵasy Ernur Dáýenov.
Sondaı-aq tekserilgen 315 tehnıkalyq jáne kásiptik bilim berý uıymynyń 198-i atestattaýdan ótpegen. Olardyń basym bóligi Aqmola, Qaraǵandy, Batys Qazaqstan, Almaty, Qyzylorda, Pavlodar, Jetisý jáne Túrkistan oblystarynda ornalasqan.
Atestattaýdan ótpeýdiń sebebi – tehnıkalyq jáne kásiptik bilim uıymdary ázirleıtin bilim berý baǵdarlamalaryna saı bolmaýy, MJMBS talaptaryna sáıkes oqytýshylardyń sapalyq quramynyń (tıisti sanattaǵy oqytýshylardyń azdyǵy) bolmaýy.