Bul eldiń baıyrǵy ataýlaryn, uly tulǵalarymyzdyń esimin urpaq sanasynda jańǵyrtady.
Prezıdenttiń aıtýynsha, jańa oblystardyń atalýynda erekshe mán bar, dep habarlaıdy Almaty-akshamy.kz
«Semeı aımaǵynda Abaı oblysyn qurýdy usynamyn. Semeı qalasy jańa oblystyń ortalyǵy bolady. Osy máseleni aımaq turǵyndary kópten beri aıtyp júrgenin bilemin. Qazir ol jaqta sheshimin tappaǵan túıtkilder az emes. Mysaly, aımaqtyń ishki ınfraqurylymy ábden tozǵan».
«Taǵy bir másele. Burynǵy Jezqazǵan oblysynyń aýmaǵynda Ulytaý oblysyn qurý qajet. Jezqazǵan qalasy qaıtadan oblys ortalyǵy bolady. Bul aımaqta derbes oblys qurý – ekonomıkalyq qana emes, rýhanı jaǵynan da mańyzdy sheshim».
«Úshinshi másele. Almaty aglomerasıasyna qatysty túıtkilder kóp. Osy jáne basqa da jaıttardy eskere otyryp, Almaty oblysyn ekige bólýdi usynamyn. Bul óńirde Jetisý jáne Almaty oblystary qurylady. Almaty oblysynyń ortalyǵy Qapshaǵaıda bolýy kerek. Al, Jetisý oblysynyń ortalyǵy Taldyqorǵanda ornalasady».
«Jańadan qurylatyn oblystardyń Abaı, Ulytaý, Jetisý dep atalýynda erekshe mán bar. Biz ulanǵaıyr jerimizdiń baıyrǵy ataýlaryn, uly tulǵalarymyzdyń esimin urpaq sanasynda jańǵyrta beremiz», - dedi Prezıdent.