Elimiz boıynsha 8 150 saılaý ýchaskesinde daýys berý júrip jatyr. Bul týraly QR Ortalyq saılaý komısıasy tóraǵasynyń orynbasary Konstantın Petrov aıtty, dep habarlaıdy Almaty-akshamy.kz.
«QR Ortalyq saılaý komısıasy oblystardyń, Astana, Almaty, Shymkent qalalarynyń komısıalary usynǵan derekterge sáıkes, astana ýaqytymen saǵat 07-00-degi jaǵdaı boıynsha óńirlerde 8 150 ýchaske daýys berýge kiriskenin habarlaıdy. Sonymen qatar 11 shet memlekettegi Qazaqstannyń 12 ýchaskesinde daýys berý bastaldy. Konstıtýsıalyq zań aıasynda aýmaqtyq komısıalar qabyldaǵan sheshimge sáıkes 86 ýchaskede daýys berý saǵat 06-00-de bastalǵan bolatyn», - dedi Konstantın Petrov.
Onyń atap ótýinshe, 5 óńirdegi, atap aıtqanda, Aqtóbe, Atyraý, Batys Qazaqstan, Mańǵystaý jáne Qyzylorda oblystaryndaǵy 1 883 saılaý ýchaskesinde daýys berý jergilikti ýaqytpen saǵat 07-00-de, al astana ýaqytymen saǵat 08-00-de bastalady.
«Sonymen qatar Qazaqstan Respýblıkasynda 10 101, onyń ishinde 53 shet memlekettegi 68 saılaý ýchaskesi bar ekendigin atap ótemin. Olarda daýys berý jergilikti ýaqyt boıynsha saǵat 07-00-de bastalady. Saılaýǵa qatysýǵa quqyǵy bar azamattardyń tiziminde 11 950 485 saılaýshy bar. Buǵan qosa keshe 18-00-de daýys berýge arnalǵan esepten shyǵarý kýáligin berý aıaqtaldy. Respýblıka boıynsha 22 578 kýálik berildi. Saılaýshy onymen elimizdiń kez kelgen jerindegi saılaý ýchaskesinde daýys bere alady», - dedi ol.