Jyldyq óndiris ósimi 40%-ǵa jýyqtady.
Ónimniń quny 1,3 trıllıon teńgeden asady, dep habarlaıdy Almaty-akshamy.kz "Qazaqstan avtomobıl odaǵynyń" baspasóz qyzmetine silteme jasap.
Toǵyz aıda Qazaqstanda 109 552 avtokólik shyǵaryldy. Ótken jylmen salystyrǵanda ósim 39,2%-dy qurady.
Qyrkúıek aıynda elimizde jalpy quny 156 mıllıard teńgeni quraıtyn 12 231 kólik daıyndaldy. Bir jyl burynǵy kórsetkish 9 865 kólik jáne 105,7 mıllıard teńgeni qurap, bul bıylǵymen salystyrǵanda 24% paıyz ósim kórsetti.
Avtomobılder men komersıalyq kólikter óndirisi 39,2%-ǵa ósti.
Qazaqstandaǵy mashına jasaýdaǵy avtomobıl ónerkásibiniń úlesi 44,5%-dy qurady.
Habarlamada qazaqstandyq avtomobıl naryǵy ınvestısıa tartýdy jalǵastyryp jatqany aıtylǵan. Qostanaıda jańa Kia zaýyty salynyp jatyr jáne qazan aıynda Skoda brendiniń qaıta oralǵany týraly belgili boldy.
Sonymen qatar elimizde avtomobıl bólshekterin shyǵaratyn sehtar da salynyp jatyr.
Qazaqstandaǵy avtomobıl ónerkásibi óniminiń negizgi kólemi (88%) Qostanaı oblysy men Almaty qalasynda shoǵyrlanǵan: tıisinshe 596,6 mıllıard jáne 418,8 mıllıard teńge.