Qazaqstandyq tenısshi 5090 upaı jınady.
Rım WTA 1000 týrnıriniń chempıony atanǵan Elena Rybakına álemniń tórtinshi raketkasy atandy, dep habarlaıdy Almaty-akshamy.kz.
Qazaqstandyq tenısshi 5090 upaı jınap, WTA reıtıńisinde 6-dan 4-satyǵa kóterildi.
Elena tórtinshi oryndaǵy fransıalyq Karolın Garsıany (5025 upaı) da basyp ozdy.
Rım masters týrnırinde jeńiske jetkeni úshin E.Rybakına 1 myń reıtıńilik upaıǵa qosa 521 754 eýro tabys tapty.
Fınaldan keıin qazaqstandyq tenısshi qarsylasy Angelına Kalınınany dosym dep atap, jaraqatynan tezirek saýyǵyp, Rolan Garros jarysynda tabysty óner kórsetýine tilektestigin bildirdi. Sonymen qatar barlyq jankúıerlerge alǵysyn aıtyp, jańbyrǵa baılanysty jıi-jıi keıinge qaldyrylǵan oıyndardyń ońaı bolmaǵanyn jetkizdi.