Endi mobıldi qurylǵydaǵy QR kodty paıdalanyp tekserýden ótýge bolady, dep habarlaıdy Almaty-akshamy.kz.
23 sáýirden bastap eGov.kz portalynda elektrondyq sıfrlyq qoltańbany (ESQ) alý úshin Digital ID beıne tekserýi kompúterdiń kamerasyn qoldanbaı-aq qoljetimdi bolady.
El turǵyndary úshin ESQ-ny qashyqtan alý prosesi burynǵydan da qoljetimdi jáne yńǵaıly boldy. Beıne tekserý servısi - Digital ID paıdalanýshylarǵa kompúterde kamera bolmaǵan jaǵdaıda nemese jaramsyz bolǵan kezde QR -kodtyń kómegimen ESQ-ny qashyqtan alý úshin sáıkestendirý rásiminen ótýge múmkindigin beredi. Jańa jańartýlar jeke jáne zańdy tulǵalar úshin qoljetimdi.
«ESQ alý – eGov.kz portalynda óte tanymal servıs. Tek osy jyldyń ózinde ony 4,8 mln ret memlekettik qyzmetterdi alý úshin jasaǵan. Bizge azamattar kompúterde kamera joq nemese jumys istemeıdi degen shaǵymdarmen kóp keledi. Bul ózgerister ESQ-ny qashyqtan alý prosesin jeńildetedi jáne yńǵaıly etedi»,- dep atap ótti «Ulttyq aqparattyq tehnologıalar» AQ Basqarma Tóraǵasy Rostıslav Konáshkın.
Jańartýlardy paıdalaný úshin telefon kamerasyn kompúter ekranynda kórsetilgen QR-kodyna baǵyttap, beıne tekserýden ótý kerek. Sáıkestendirý sátti rastalǵannan keıin óz kompúterińizde ESQ alýdyń ádettegi tásilin jalǵastyrý qajet.